Аяллын баг энэ өдрийн онгоцоор Улаанбаатараас дамжин нислэгээр Арабын нэгдсэн Эмират Улсын алдарт Дубайг зорин ниснэ.  Орой Дубай хотод ирж, буудалдаа байрлан амарна.

Өглөөний цайгаа буудалдаа уугаад Дубайн шинэ хотын хагас өдрийн аялалд гарна.

Үүнд :

• Дэлхийд цор ганц 7 одтой буудал / Burj Al Arab/
• Madinat Jumeirah  / Souk , Орон сууцууд/
•  “Палм Джумейра” /The Palm Jumeirah/ хэмээх дал модон хиймэл арал
• Дэлхийн хамгийн өндөр барилга “Burj Khalifa”  ажиглалтын тавцан 124 давхарт гарах

 Өдрийн хоолоо иднэ. 

Өдрийн хоолны дараа үдээс хойш Эмиратын аяллын хамгийн сэтгэл хөдөлгөсөн, мартагдашгүй дурсамжийг таньд үлдээх элсэн цөлийн жийпний аялал эхэлнэ. Шаргалтан харагдах манхан дээгүүр Ланд 200 хөлөглөн давхиж, ганц бөхт тэмээ унан, арабын алдарт бэлхүүсний бүжиг үзэн, үндэсний хувцас өмсөн дурсгалын зургаа татуулж, жимсний амтат шиша тамхийг нь татан анивчин гялалзах оддын доор нэгэн гайхалтай үдшийг өнгөрүүлнэ. Орой зочид буудалдаа ирж амарна.

Өглөөний цайгаа буудалдаа уусны дараагаар Дубай хотод байрлах Вайлд Вади усан парк дээр тоглоно.

Орой Дубайн хамгийн гайхалтай усан оргилуурын үзүүлбэрийг үзэж сонирхоно.

Оройн хоолоо идээд буудалдаа амарна.

Энэ өдөр чөлөөт өдөр бөгөөд өдрийн туршид далайн эрэгт амрах, зах дэлгүүрээр явж, худалдаа хийх боломжтой. Дубайд дэлхийн нэртэй брэндийн бүх төрлийн бараа бүхий “Bur Jurman Centre”, “Dubai Mall”, ”Mall of Emirates” зэрэг томоохон дэлгүүр байдаг төдийгүй олон төрлийн захууд үйл ажиллагаа явуулах тул алт үнэт эдлэл, булган дээл, нутгийн онцлогтой бараа бүтээгдэхүүнийг худалдан авах өргөн боломжтой. Энэ өдөр өдөр, оройн хоол, хөтөч, унаагаар үйлчлэхгүй болно. Дубайн эртний усан тээврийн нэг болох Абра (усан такси)-гаар аялан Дэйрад очин Дубайд ирсэн хүн бүрийн заавал очих ёстой газар болох “Gold Souk” буюу “ Алтны зах”, Персийн булангийн салшгүй нэгэн хэсэгт тооцогдох Spice Souk буюу Халуун ногоо, жимсгэний захаар орж алт, үнэт эдлэл, гоёлын зүйлс мөн жимс жимсгэнийг хямд үнээр худалдан авах боломжтой. Орой нь аялагч та хүсвэл өөрийн зардлаар Дубайн булангаар усан онгоцоор аялж, шөнийн Дубайн гайхамшгийг мэдрэх боломжтой. Аяллын хөтөч маань та бүхний цагийг үр бүтээлтэй өнгөрүүлэхэд мэргэжлийн зөвлөгөө өгнө.

Өглөөний цайны дараа аяллын автобусаар Арабын Нэгдсэн Эмират Улсын нийслэл Абу Даби хотыг зорин явна. Абу Дабид ирсний дараа дэлхийн лалын хамгийн том 6 сүмийн нэг бөгөөд уран барилгын гайхамшиг болох Шейх Заядын сүм (Shеikh Zayed Mosque) –ийг үзэж сонирхоно. Энэхүү сүмд 40 мянган хүн нэгэн зэрэг мөргөл үйлдэх боломжтой бөгөөд мөргөлийн гол танхим нь 9 мянган хүний багтаамжтай байдаг.

Мөн Абу Даби хотын үзэсгэлэнтэй газрын нэг болох “Corniche Road” хэмээх далайн эргээр зугаалан, далайн цэвэр агаараар амьсгалахын зэрэгцээ “Lu Lu” хэмээх хиймэл арлыг харах болно. Дараа нь дэлхийн хамгийн тансаг зочид буудлын тоонд багтдаг, 1,9 тэрбум фунт стерлингээр баригдсан “The Emirates Palace” хэмээх 5 одтой зочид буудлын гадна байдалтай  танилцана. Үдийн хоолны дараа Дубайд буцаж ирнэ. Оройн хоолоо 2 давхар усан онгоцон дээр зооглоод буудалдаа байрлан амарна.

Сэтгэл дүүрэн аяллынхаа тухай сайхан дурсамжийг өвөрлөн  Улаанбаатарын Чингис хаан онгоцны буудалд буун аяллаа баяртайгаар өндөрлөнө.