Аялагчид өдрийн 11:00 цагийн MR851 рейсийн нислэгээр БНХАУ-ын ӨМӨЗО-ны Хайлаар хотын чиглэлд ниснэ. Нислэг 2 цаг 10 минут үргэлжилнэ. Хайлаар хотод буугаад хил гааль нэвтэрсэний дараа хотын аялал хийнэ. Хөлөнбуйр хотын үнэдсний музей, Чингисийн талбай, Хасар гүүр зэргийг үзэж сонирхоно. 15:30 цагт Манжуур хотын чиглэлд хөдөлнө. Манжуур хотод ирж оройн хоолоо зооглоод зочид буудалдаа байрлан амарна.

Өглөөний цайны дараа Манжуур хоттой танилцах аяллаа Манжуур хотын Зайсан толгой буюу Гуанжинтай толгодоос эхлэнэ. Үүний дараа Арслан зааны цэцэрлэгт хүрээлэн, Залаа нуурын музей, 2007 онд Геннисийн номонд бүртгэгдсэн дэлхийн хамгийн том Матрёшка хүүхэлдэйн талбай зэргээр зугаалж, дурсгалын зургаа татуулна. Өдрийн хоолны дараа чөлөөт цагтай бөгөөд Манжуур хотын дэлгүүр, худалдааны төвүүдээр худалдаа хийх боломжтой. Орой 21:00 цагт 3 орны урлагийн тоглолттой "Максим" ресторанд оройн хоолоо зооглоод буудалдаа амарна.

Энэ өдөр чөлөөт өдөр бөгөөд жуулчид өглөөний цайны дараа гурван улсын худалдааны боомт болсон Манжуур хотын худалдааны төвүүдээр үйлчлүүлж чанартай барааг хямд үнээр авч өдрийг үр ашигтай, зугаатай өнгөрүүлэх боломжтой. Орой буудлын доод давхарт байрлах улаан вино, сарнай, лаванда гэх мэт Хятадын эртний эмчилгээний маш олон төрлийн цэцгийн ханд бүхий халуун рашаанд амарч, ядаргаа тайлах, тайвшруулах, сэргээх, цусны эргэлт сайжруулах үйлчилгээтэй Өмнөд Солонгосын гартаам, гантиг чулуун саун, хүчилтөрөгчийн ионтой саун гэх мэт олон төрлийн саунд тухлан, цэнгэг устай бассейнд зугаацан амарч, аяллын алжаалаа тайлах боломжтой. /хөтөч, өдөр, оройн хоол, унаагаар үйлчлэхгүй/

Өглөөний цайны дараа чөлөөт цагтай бөгөөд Манжуур хотын дэлгүүр, зах, худалдааны төвүүдээр худалдаа хийх боломжтой. 14:00 цагт зочид буудлын өрөөгөө хүлээлгэж өгөөд аяллын автобусандаа суун Хайлаар хотын чиглэлд хөдөлнө. Хайлаар хотод ирж зочид буудалдаа байрлан амарна. 

Өглөөний цайны дараа чөлөөт цагтай. 11:00 цагт буудлын өрөөгөө хүлээлгэж өгөөд Хайлаар хотын нисэх буудалд ирж бүртгэлээ хийлгэн 12:30 цагийн MR852 рейсийн нислэгээр БНХАУ-ын худалдааны томоохон боомтын нэг болох Манжуур болон Хайлаар хотоор хийсэн мартагдашгүй аяллынхаа сайхан дурсамжийг өвөрлөн Улаанбаатарын чиглэлд ниснэ. Нислэг 1 цаг 50 минут үргэлжилнэ. Дараа нь “Чингис хаан” олон улсын нисэх буудалд бууж, аяллаа баяртайгаар өндөрлөнө.