Гадаад паспорт шинээр авахад

• Цахим үнэмлэх
• Гадаад паспорт авах мэдүүлгийг бөглөх /банкнаас авах/
• Сүүлийн 6 сарын дотор авхуулсан 3,5х4,5 хэмжээтэй 3 хувь цээж зураг
• Эзэн нь өөрийн биеэр ирж материалаа өгнө.

Зурганд ямар шаардлага тавигдах вэ?

• Зургийн арын фон цагаан, нүүрний өндөр 3,2-3,6 см-ийн хэмжээтэй нийт зургийн 90%-ийг эзэлсэн, эгц харсан, дух, чихний хэсэг ил гарсан байх.
• Зурагнаас татаагүй, компьютерээр засварлаагүй байх.
• Зургийн өнгө тод,өнгөний ялгарал сайн,нүүрэн хэсэг болон арын фон сүүдэргүй,малгай өмсөөгүй,нүдний шилгүй байх.
• Зэвсэгт хүчин,цагдаа,төмөр зам болон бусад төрлийн дүрэмт хувцастай авахуулаагүй байх.
• Гоо сайхны мэс ажилбар хийлгэсэн тохиолдолд  тухайн эмнэлэгийн байгууллагын тодорхойлолт  / мэс ажилбар хийлгэхээс өмнөх болон хийлгэсний дараах үеийн харьцуулсан зурагтай /

Гадаад паспорт дахин авахад 

• Цахим үнэмлэх
• Гадаад паспорт авах мэдүүлгийг бөглөх  /мэдүүлгийн хуудсыг банкнаас авах/
• Сүүлийн 6 сарын дотор авхуулсан 3,5х4,5 хэмжээтэй 3 хувь цээж зураг
• Өмнө авсан гадаад паспортыг  11 дугаартай цонхон дахь хяналтын улсын байцаагчаар хүчингүй болгуулж тэмдэглэгээ хийлгүүлнэ.

Ямар тохиолдолд паспортыг хүчингүй болгох вэ?

• Эзэмших, ашиглах  хугацаа дууссан
• Паспортад улсын хил нэвтрэх тухай тэмдэглэл хийх зайгүй болж хуудас дууссан
• Паспорт эзэмшигчийн зураг танигдахааргүй өөрчлөгдөх, гоо сайхны мэс ажилбар хийлгэсэн, эрх бүхий байгууллагын шийдвэрээр овог, эцэг /эх/-ийн нэр, нэр, регистрийн дугаар өөрчилсөн
• Гадаад паспорт болон түүнтэй адилтгах баримт бичгийг бусдад шилжүүлж хуурамчаар ашигласан бол
• Гадаад паспортыг гэмтээсэн
• Хаясан,үрэгдүүлсэн, эсхүл паспортад бичсэн үг, үсэг, бичлэг, зурагт хууль бусаар засвар хийсэн
• Шүүхийн хүчин төгөлдөр шийдвэрээр уг гадаад паспортыг хүчингүйд тооцсон
• Хуульд заасан бусад үндэслэлээр хүчингүй болгоно.

Хүчингүй болгоход төлбөр хураамж төлөх үү?

• Хүчингүй болгох хэсэгт байгаа  эхний гуравт дурьдсанаас бусад тохиолдолд Захиргааны хариуцлагын тухай хууль’’-ийн 27-1 дүгээр зүйлд заасны дагуу хариуцлага хүлээлгэнэ.

Хүүхэд гадаад паспорт авахад

• Төрсний гэрчилгээ эх хувиар хуулбарын хамт
• Эцэг, эх буюу асран хамгаалагчийн иргэний үнэмлэх, гадаад паспортын хуулбар
• 7-оос дээш насны хүүхэд өөрийн биеэр заавал эцэг, эх буюу асран хамгаалагч, харгалзан дэмжигчийн хэн нэгний хамт баг хорооны засаг дарга болон сургуулиас олгосон зурагтай нэмэлт баримт тодорхойлолт авч ирэх
• Асран хамгаалагчаар тогтоосон сум, дүүргийн Засаг даргын захирамж, шүүхийн шийдвэр хуулбарын хамт
• Сүүлийн 6 сарын дотор авахуулсан 3.5х4.5  хэмжээтэй 3 хувь цээж зураг
• Гадаад паспорт авах мэдүүлэг бөглөх /мэдүүлгийн хуудсыг банкнаас авах/

Хаана хандах вэ?

• Зуун айлд байрлах үйлчилгээний 3 дугаар байрны 1 давхрын  1-8 дугаарын цонхон дахь гадаад паспортын улсын бүртгэгч нарт хандана.

Гадаад паспортын сунгалт хийлгэхэд

• Цахим  үнэмлэх
• Гадаад паспорт авах мэдүүлгийг бөглөх  /мэдүүлгийн хуудсыг банкнаас авах/
• Эзэн нь өөрийн биеэр ирж материалаа өгнө.
• Гадаад паспортын сунгалтын хугацааг тасралтгүйгээр сунгах бөгөөд эзэмшигч тасралтгүй сунгасан хугацааны төлбөрийг төлнө.

Сунгасан паспорт ямар хугацаанд гарах вэ?

• 1 хоногийн дотор гарна.

Хаана хандах вэ?

• Тус байрны үйлчилгээний  12, 13  дугаарын цонхон дахь гадаад паспортын улсын бүртгэгч нарт хандана.

Гадаад паспорт хаанаас авах вэ?

•  Улсын бүртгэгчийн заасан хугацаанд зуун айлд байрлах үйлчилгээний 2 дугаар байрны 1 давхрын гадаад паспортын олголтын цонхноос авна.

Гадаад паспортын үйлчилгээнд хураах улсын тэмдэгтийн хураамж, 
үйлчилгээний хөлсний хэмжээ

Улсын бүртгэлийн ерөнхий газрын хаяг : Улсын бүртгэлийн ерөнхий газар 14171 Улаанбаатар хот, Сүхбаатар дүүрэг,Цагдаагийн гудамж /100 айл/
Утас : 1890 /энгийн утасны тарифаар/
Факс : 976-11-320083
И-мэйл хаяг : contact@registrationmongolia.com
Вэб сайт : https://burtgel.gov.mn | www.burtgel.mn